Бичээс

Гуч хүртлээ эхнэр аваагүй бол түүнээс цааш хэрэг үгүй
Дөч хүртлээ төрд зүтгээгүй бол түүнээс хойш бүү зүтгэ
Тавь хүртлээ гэрээ засаагүй бол төвхнөх гэж бүү оролд
Жар хүртлээ гэрээс гараагүй бол алсын замд бүү гар
                                        Сүн улсын Хүйтэн уулын бичгээс...

Тэр өдөрт хөврөх бодлууд

Энгийн л нэгэн өдөр. Өглөөнөөс үд болтол салхилах салхи, бүүдгэр тэнгэрийн дор....

Амралтын өдөр гэрээсээ гараад гүймээр санагдах
Бүрхэг тэнгэрийг харан баясан гэртээ үлдэх
Нэг зүрхэнд хоёр сэтгэл хуваагдах....
Бороо орохыг сэтгэлийн гүнээс хүсэмжлэх...
Гуниг төрсөн ч аз жаргалыг мэдрэх
Энэ мэдрэмжийг үргэлжид хадгалахыг хүснэм.

Анима

Өвөл цас 2

/Nov.21.2011/ Хүсэн хүлээсэн өвөл хаалгыг минь тогших ч үгүй гэнэт ороод ирлээ. Саяхан л зун болж байгаагүй билүү, зун цагт баяртай ч гэж хэлэх завдал өгсөнгүй өвөл чи юунд ийнхүү яаран ирнэ вэ??? Өвөл чи ирэхдээ аажуу тайван, хэл чимээтэй ирэхгүй юунд намайг ингэж сандаргана вэ??? Ай өвөл минь, чамтай цуг ирдэг цасанд би дуртай. Хэн хүнээс ч илүү дуртай. Гэхдээ цас та 2 яагаад дандаа ийм хүйтэн байдгийг ойлгохгүй юм. Надад тайлбарлаад өгөөч.

Яарсан сэтгэл

Хаашаа л харна ийш тийш яарсан, догдолсон хүмүүс. Тэд хаашаа ингэтлээ яарч байгаа юм бол гэж хэсэг гайхсанаа сая л нэг зүйлийг анзаарав.